Tayari ndoto yangu ya kutembea Tanzania nzima inaanza kukaribia kutimia.

 Mkoa wa Geita huu, tumeuacha mji wa Geita sasa tunautafuta mji wa Katoro palipotokea vurugu juzi.

 Hapa ndipo Katoro, waislam na Wakristo walichinjana sababu ni nani ana ruhusa ya kuchinja wanyama.

 Njiani tukiuacha mji Geita tunautafuta mkoa wa Kagera, tulisimama kuchimba dawa. Nikaamua nijifotoe.

                                                      Sidhani kama hii picha inahitaji maelezo.

Juzi nilisema nitazungumzia ziara yangu ya kanda ya ziwa niliyoifanya wiki iliyopita. Ziara hiyo ilinisaidia kukamilisha mkoa mmoja wa Mwanza ambao nilikuwa nikiutamani sana kuutembelea katika kanda ya ziwa.

Mpaka sasa nimeshatembea nusu ya Tanzania, kanda zote nimefika kasoro kanda ya kusini na nyanda za juu kusini. Hii inanipa faraja sana katika utanzania wangu, mara nyingi nikiwa njiani huwa naimba kimoyomoyo ule wimbo wa Tazama Ramani utaona nchi nzuri, yenye mito na mabonde mengi ya nafaka, nchi hiyo mashuhuri natamka Tanzania.

Awali Tanzania ilikuwa na mikoa 21 ukiondoa Unguja na Pemba. Ila sasa baada ya kuongezwa mikoa minne Tanzania bara sasa ina mikoa 25, na katikia mikoa hiyo 25 tayari nimefikisha nusu bado nusu.

Mikoa ambayo nimeshaitembelea ni Dar es Salaam, Tanga, Pwani, Dodoma, Singida, Tabora, Mwanza, Arusha, Shinyanga, Morogoro, Kilimanjaro,Geita, Kagera, na Manyara.

Na mikoa ambayo bado sijakanyaga ni Mbeya, Iringa, Kigoma, Lindi, Ruvuma, Mtwara, Rukwa, Mara, Katavi, Njombe na Simiyu.

MIKOA MIPYA ILIYOANZISHWA  NI:

(i)  Mkoa wa Njombe, ambao unatokana na kumega na kuunganisha

Wilaya za Njombe, Ludewa na Makete kutoka Mkoa wa Iringa.

Mkoa huu utakuwa na Wilaya mpya ya Wanging’ombe ambayo

inatokana na kugawanywa kwa Wilaya ya Njombe.

(ii)  Mkoa wa Geita,  ambao unatokana na kumega na kuunganisha

Wilaya za Geita kutoka Mkoa wa Mwanza, Bukombe kutoka Mkoa

wa Shinyanga na Chato kutoka Mkoa wa Kagera. Mkoa huu

utakuwa na Wilaya mpya ya Nyang’hwale ambayo inatokana na

kugawanywa kwa Wilaya ya Geita.

(iii)  Mkoa wa Simiyu,  ambao unatokana na kumega na kuunganisha

Wilaya za Bariadi kutoka Mkoa wa Shinyanga, Maswa kutoka Mkoa

wa Shinyanga, Meatu kutoka Mkoa wa Shinyanga na Wilaya mpya

ya Busega kutoka Mkoa wa Mwanza. Mkoa huu utakuwa na Wilaya

nyingine mpya ya Itilima ambayo inatokana na kugawanywa kwa

Wilaya ya Bariadi.

(iv)  Mkoa wa Katavi,  ambao unatokana na kumega na kuunganisha

Wilaya za Mpanda kutoka Mkoa  wa Rukwa pamoja na Wilaya

mpya ya Mlele ambayo inatokana na kugawanywa kwa Wilaya ya

Mpanda.

MADHUMUNI YA KUANZISHWA MIKOA MIPYA

Katiba ya Jamhuri ya Muungano wa Tanzania inaelekeza kuwa, kwa ajili ya

utekelezaji bora wa shughuli za Serikali, Mheshimiwa Rais anaweza kuigawa

Nchi katika Mikoa au Wilaya. Hivyo, madhumuni ya kuanzishwa kwa Mikoa hiyo

ni kuboresha utendaji wa  Serikali Kuu kwa kupunguza  ukubwa wa maeneo ya

Mikoa mama ili Wananchi wapate huduma za kiutawala ngazi ya Mikoa kwa

karibu.

Jumla ya Mikoa ya Tanzania Bara itakuwa  25  ambayo ni Arusha, Dar Es

Salaam, Dodoma, Iringa, Kagera, Kigoma, Kilimanjaro, Lindi, Manyara, Mara,

Mbeya, Morogoro, Mtwara, Mwanza,  Pwani, Rukwa, Ruvuma, Shinyanga,

Singida, Tabora, Tanga, Njombe, Geita, Simiyu na Katavi.

HAFIDH KIDO

kidojembe@gmail.com

0713 593894

18 Feb, 2013-02-18

Dar es Salaam, Tanzania