Mechi namba 172 ya Ligi Kuu ya Vodacom kati ya
Yanga na Coastal Union iliyochezwa juzi (Mei 1 mwaka huu) kwenye Uwanja wa
Taifa, Dar es Salaam
Watazamaji 11,478 walikata tiketi kushuhudia
mechi hiyo ambayo viingilio vilikuwa sh. 5,000, sh. 8,000, sh. 15,000 na sh.
20,000 huku kila klabu ikipata mgawo wa sh. 15,378,927.45 wakati Kodi ya
Ongezeko la Thamani (VAT) iliyolipwa ni sh. 10,071,152.54.
Kiingilio cha sh. 5,000 ndicho kilichovutia
watazamaji wengi ambapo waliokata tiketi hizo walikuwa 10,230 na kuingiza sh.
51,150,000 wakati idadi ndogo ya washabiki ilikuwa ya kiingilio cha sh. 20,000
kilichovutia washabiki 69 na kuingiza sh. 1,380,000.
Mgawo mwingine wa mapato hayo ni asilimia 15 ya
uwanja sh. 7,819,793.62, tiketi sh. 3,818,890, gharama za mechi sh.
4,691,876.17, Kamati ya Ligi sh. 4,691,876.17, Mfuko wa Maendeleo ya Mpira wa
Miguu (FDF) sh. 2,345,938.09 na Chama cha Mpira wa Miguu Mkoa wa Dar es Salaam
wakati huohuo taarifa za TFF zinaeleza kuwa, Ligi Kuu ya Vodacom (VPL) inaendelea Jumapili
(Mei 5 mwaka huu) kwa mechi moja kati ya Ruvu Shooting na Simba itakayochezwa
Uwanja wa Taifa, Dar es Salaam
Hiyo itakuwa mechi ya raundi ya 24 kwa timu hizo
ambapo Simba iko nafasi ya nne ikiwa na pointi 39 nyuma ya mabingwa Yanga wenye
pointi 57, Azam yenye pointi 48 na Kagera Sugar ambayo ina pointi 40. Ruvu
Shooting iko katika nafasi ya saba ikiwa na pointi 31.
Hadi sasa mabao 348 yameshafungwa katika ligi
hiyo huku Yanga ikiongoza kwa kufunga 45. Polisi Morogoro yenye pointi 22
katika nafasi ya 12 ndiyo iliyofunga mabao machache ikiwa nayo 13 tu.
African Lyon yenye pointi 19 katika nafasi ya
mwisho ndiyo inayoongoza kwa kuwa na kadi nyingi. Timu hiyo inayofundishwa na
Charles Otieno ina kadi 44 ambapo kati ya hizo nne ni nyekundu. Mtibwa Sugar ya
Manungu, Turiani mkoani Morogoro yenyewe inaongoza kwa kuwa na kadi nyingi
nyekundu ambapo hadi sasa inazo saba.
Boniface Wambura
Ofisa Habari
Shirikisho la Mpira wa Miguu Tanzania (TFF)
No comments:
Post a Comment