Naam Jembe nimefanikiwa kukiona kitabu cha The Shadow World: Inside The Global Arms Trade cha Andrew Feinstein, kinachomchambua Andrew Chenge aka mzee wa vijisenti, juu ya kashfa ya rada nchini.

Hiki ni kitabu kabambe, bado ni kipya na watu wachache sana wanacho. Mhariri wangu jana alinionyesha na nikabahatika kukigusa na kupiga nacho picha.

Naam ushamba unasaidia kujua mambo, nilishawahi kuwauliza wadau katika ukurasa wangu wa facebook ikiwa kuna atakaebahatika kukipata kitabu hiki anijulishe.

Kifupi mwandishi Andrew Feinstein, amefanikiwa kuelezea namna wizi wa fedha za umma ambazo baadae zilihusika kununulia rada ya kijeshi.

Katika kitabu hiki cha The Shadow World, Inside the Global Arm Trade: kinachambua namna aliekuwa Gavana wa Bank Kuu ya Tanzania (BOT) wakati huo Dr Idrisa Rashid na aliekuwa mwanasheria mkuu wa Serikali Andrew Chenge, waliiibia serikali mamilioni ya pesa wakisaidiana na watanzania wawili wenye asili ya kiasia Tanil Somaiya mmiliki wa kampuni ya uwakala wa simu ya shivacom na Sailesh Vithlan.

Mchakato wa wizi huo wa zaidi ya dola za kimarekani mil 40 ulianzia mwaka 1997 wakati wa kipindi cha Mzee Mkapa, na kupitia Bank ya Barclays walifanikiwa kupata mkopo wa mamilioni ya pesa na kununua rada hiyo kwa bei chee kutoka kampuni ya kuuza silaha ya Uingereza iitwayo BAE System. Mbali na upinzani mkali kutoka kwa baadhi ya wabunge na mawaziri katika bunge la Uingereza kupinga nchi masikini kununua rada ya kijeshi wakati haina hata ndege za kisasa za kivita.

Tafadhali subiri kusambaa kwa kitabu hicho ujisomee mwenyewe, hata mimi jembe lenu nimeshindwa kununua maana hakijaingia rasmi kinapatikana kwa uchache sana.

HAFIDH KIDO

0752 593894/ 0713 593894

DAR ES SALAAM, TANZANIA