chadema yazidi kupoteza imani na jeshi la polisi...

 Afisa mwandamizi wa sera na utafiti Waitara Mwita akimwaga taarifa kwa wanahabari leo....

Jembe langu Said makala wa Chennel ten akiwa na vifaa vya kazi eneo la tukio makao makuu ya chadema leo. Nilikuwa nae New Habari mwaka 2008 huyu.

Chama cha demokrasia na maendeleo wamekanusha kuhusika na vurugu zilizotokea katika jimbo la kada wa CCM Mwigulu Nchemba na kusababisha kifo cha mtu mmoja kada wa UVCCM katika kijiji cha ndago.

Akizungumza na wanahabari katika makao makuu ya chama hicho Kinondoni Dar es Salaam, leo mchana afisa wa sera na utafiti Waitara Mwita, anasema walitoa taarifa mapema kuhusiana na kuzuka kwa vurugu hizo lakini mkuu wa kituo cha Ndago alipuuzia.

“Sisi wanatuambia ndiwo tulioanzisha vurugu lakini si kweli, wakati tunaanza kupigwa mawe OCS wa Ndago alikuwepo na tukaamua kumpigia mkuu wa polisi mkoa wa Singida amabae alileta ulinzi lakini polisi hawakufanya chochote zaidi ya kuangalia tu. Sisi (chadema), tulitaarifiwa juu ya watu wawili ambao walisafiri mpaka Dodoma kuchukua pesa za kuendeshea vurugu kutoka kwa mbunge wa Iramba Mashariki Mwigulu Nchemba, na tukatoa taarifa polisi lakini hakuna kilichofanywa,” alisema.

Hata hivyo inaelezwa kuwa mbali ya watu wa vijiji vya karibu kuja kuhudhuria mkutano huo kwa minajili ya kufanya vurugu lakini inadaiwa kuna vijana tisa ambao walitoka mjini Dar es Salaam kwa lengo hilo tu la kuvuruga mkutano wa chama hicho.

Kwa maelezo ya Waitara ambae ni miongoni mwa watuhumiwa wa mauaji katika vurugu hizo hawaafikiani na jeshi la polisi kutoa taarifa za uongo kwani wakati alipokuwa ameshikiliwa na jeshi hilo alishuhudia wafuasi wa chama cha CCM ambao walikamatwa kuhusiana na kesi hiyohiyo kuachiwa huru bila kufuata utaratibu na kumuacha mmoja tu, hata wale tisa waliotoka Dar es Salaam, waliwekewa dhamana katika mazingira ya rushwa.

“sisi hatukubaliani nakesi hiyo na tunataka kuundwa kwa tume huru ambayo itachunguza suala hilo,maana sisi tunayo filamu ya tukio zima lakini hatuwezi kuikabidhi kwa jeshi la polisi maana hatuwaamini,” alieleza Waitara.

HAFIDH KIDO

DAR ES SALAAM, TANZANIA

25/07/2012