Kunradhi wadau wa blogu ya kido jembe.

Na Hafidh Kido

Leo nimechelewa kuwapatia habari na jana sikuonekana kabisa, si lengo langu kufanya hivyo lakini hali ya maisha inanifanya naelemewa na jukumu hili la kuwapasha kinachojiri ulimwenguni.

Siku ya jana yaani jumapili ilikuwa siku fupi sana kwangu, sikupata muda wa kutembelea hata ukurasa wangu wa facebook, zaidi ya neno la leo kilichofuata ni kuandika kuhusu kuonewa na Spain katika fainali. Hakika ule ulikuwa ni uonevu 4 mtungi?

Siku ya leo nilifika ofisini mapema saa tatu nikiwa na picha zangu za kutosha kuweza kuwapasha wadau wangu, nikapata muda wa kupata kikombe cha chai tupu ya mkandaa huku nikipitia magazeti na baadhi ya blogu ninazoziamini zitanipatia habari za kutosha.

Nikijiandaa kuingia kazini kuwapasha nilichopata mara huduma ya mtandao (internet) ikawa chini, mara ikakata kabisaaa. Kuwauliza watu wa DTP wakanambia mtandao umeisha pesa. Lahaulaaaa….

Haya ndiyo matatizo ya kupenda mserereko(bure), yaani mserereko mpaka katika kuendesha blogu? Kweli maisha magumu.

Ndugu zangu, ninayo modem ya kuendeshea blogu hii lakini ni gharama sana, ofisini natumia mtandao wa bure, na ndiyo sababu leo nimechelewa kuonekana, poleni kwa usumbufu. Niombeeni jembe lenu nionekane na wadhamini wanipatie vijisenti vya kuendeshea blogu yenu ya jamii.

HAFIDH A. KIDO

0752 593894

DAR ES SALAAM, TANZANIA