kidojembe yatimiza wadau 10000....

Ndugu zangu,

Mnakumbuka siku mbili zilizopita niliwaahidi kuwapa habari njema. Naam kutimiza ahadi ni moja ya mambo ninayoyaheshimu sana katika dunia hii, maana hunifanya kuwa mwaminifu na huniongezea marafiki wengi kupita kiasi.

Haya, mtakumbuka tulianza pamoja kuitangaza blogu hii ya ‘kidojembe’ na namshukuru Mungu tangu tumeanza zoezi hilo sasa ni miezi miwli, maana ilikuwa ni mwezi june 28 mwaka huu. Na sasa imefikisha wadau 10250 na hutembelewa na wastani wa wadau 500 mpaka 600 kwa siku ambalo ni fanikio la hali ya juu na hata sikutegemea hali hiyo. Nchi inazozitebelea ni:- USA,UK, Russia, Tanzania, Kenya, Uganda, UAE, Belgium, Oman, Canada, Netherlands, Denmark, German. 

Lakini kuna tatizo; nahitaji kuipanga blogu hii na kuiweka katika muonekano unaofaa na kusomeka kwa urahisi. Kazi hizi hufanywa na watu maalum kwa malipo yanoyofanana na kazi. Hivyo nahitaji kufanya hivyo haraka iwezekanavyo. Maana wapo wadau wameshaanza kunilalamikia kuwa blogu yangu haikidhi viwango na si ‘readers friendly’ si tusi bali ni ushauri wa kitaalamu. Kwa sisi wanahabari tumejifunza kitu kizuri sana. Maana msomaji hatakiwi kujaziwa kila kitu katika ukurasa mmoja, lazima macho yapumbazwe na picha ama vitu vinavyotembea (animation).

 Kitu kinachonikwaza ni kuwa mpaka sasa sijampata mtu mahiri ambae anaweza kuitengeneza blogu hii na kuweza kusomeka. Ili hata wale watakaotaka kuleta matangazo yao basi yapate sehemu nzuri na yaonekane vema.

Natangaza biashara na watu wanaotengeneza ama kusanifu kurasa za blogu, kama kuna mtu anamfahamu msanifu blogu basi anipe mawasiliano yake ama awasiliane na mimi kwa namba ama barua pepe hapo chini.

Kadhalika naalika watu wenye matangazo yao, nitawatolea bure matangazo ambayo hayatahitaji kusanifiwa ama kuwekwa katika mtiririka wa kupanda ama kushuka (animation) matangazo hayo nitayatoa bure…. Nasema tena bure. Hivyo wakati wako ni huu, wasiliana nami kwa namba hizo chini na uweke picha za bidhaa zako usisahau kuweka mawasiliano ya kutosha ili kuweza kuwafanya wateja kukupata kirahisi.

Sifanyi hivi kwa kutaka sifa, bali ni shukurani kwa wadau wangu ambao ndani ya miezi miwili wamekuwa wengi kiasi cha kunipa raha. Watu zaidi ya 10,000 si mchezo. Nimepata kuona blogu ambazo zina miaka miwili mpaka mitatu lakini hazijafikia idadi hiyo ya wadau. Tena ni blogu zilizosanifiwa na zinapendeza kwelikweli.

Ahsanteni,

HAFIDH ATHUMANI ABDALLAH KIDO AL-BAAJUN

KIJITONYAMA ALIMAUA ‘B’ DAR ES SALAAM, TANZANIA

0713 593894/ 0752 593894

hafidhkido@yahoo.com

3/08/2012