Ngassa atua Simba kwa mil60.

Jana utata wa mchezaji Mrisho Ngassa alietokea timu ya Azam inayokuja kwa kasi katika soka la bongo, umemalizika baada ya kukubali kusaini mkataba wa kuichezea klabu ya Simba kwa miaka miwili kwa kitita cha jumla Mil 60.

Ngassa, alikataa ofa ya mil 25 baada ya timu yake kuamua kumpeleka kwa mkopo Simba, lakini baada ya mazungumzo amefanikiwa kuongezewa mil 35 pamoja na ada yake ya uhamisho hivyo takuwa akiramba mshahara wa mil 2 kila mwezi pia amekabidhiwa gari lenye thamani ya mil 18 (pichani).

Naam mpira wa bongo kidoogo unaanza kulipalipa, tumilioni tuwili kila mwezi si jambo dogo.

Itakumbukwa Kijana Ngassa mtoto wa mchezaji wa zamani klabu ya simba Khalfan Ngassa, alitokea timu ya Kagera Sugar ya mkoani kagera mwaka 2007 kuhamia Yanga kwa kitita cha mil 25. Akaichezea Yanga kwa misimu miwili halafu akahamia Azam kwa kitita cha Mil 55, ambapo ilimfanya kuwa mchezaji wa kwanza tanzania kununuliwa kwa bei kubwa na klabu ya nchini.