Mambo mazuri mashindano ya roling stone huko Burundi. Tanzania yaingiza timu sita hatua ya robo fainali. Coastal pia wamo babu eeeenhhh....

Na Prince Akbar

TANZANIA imetawala katika michuano ya Rollingston nchini Burundi, baada ya kufanikiwa kuingiza timu sita katika hatua ya Robo Fainali ya michuano hiyo, ambayo awali ilikuwa ikifanyika mjini Arusha.

Timu zilizoingia hatua hiyo ni Azam FC ya Dar es Salaam, JKT Ruvu ya Pwani, Mjini Magharibi ya Zanzibar, Coastal Union ya Tanga na Bishop Dunhill na Rollingston za Arusha.

Robo Fainali zote zitachezwa Jumanne katika viwanja viwili tofauti, Aigle Noir  ya Burundi ikimenyana na JKT Ruvu, Ecofoot ya Jamhuri ya Kidemokrasia ya Kongo (DRC) ikimenyana na Bishop Dunhill Uwanja wa Gisenyi, wakati Azam FC itamenyana na Mjini Magharibi, Rollingston na Coastal Union Uwanja wa Nyanza.

Mechi za kwanza zitachezwa saa 7:00 mchana na za pili zitachezwa saa 9:00 alasiri.

ROBO FAINALI ROLLINGSTON:

(Julai 17, 2012)

Aigle Noir (Burundi) v JKT Ruvu

Azam FC v Mjini Magharibi

Rollingston v Coastal Union

Ecofoot (DRC) v Bishop Dunhill (Arusha)